Kategoria Poezi 2017 Të Tjera

Kodi 13-41/ 2017

Anije kujtimesh        

Poeti nuk dëgjon më.

Mbeti anije e braktisur në deltinë.

 

Zërat, tingujt, klithmat,

klithmat e qytetit,

kalëruar leshterikët e reve,

shtegtojnë ngopur me viktima.

 

Hapat, buzëqeshjet, inatet, kolla, dhimbjet,

luajnë  pantomimat

e Çarli Çaplinit.

Një vetëtimë bie e lodhur mbi liqen.

U ndeh pabesisht dallga e la në breg një garzë shkume,

frymë më s’merr.

 

Bryma e heshtjes,

ngrin kërcitjen e fjalëve,

zgjon pyllin e siluetave,

rrokulliset zhurmshëm…

lodhjen fsheh.

 

Poeti shijon hidhësinë e kujtimeve.

Posto një koment